La Poliglota Konferenco, plurlingva evento, okazis de la 10a ĝis la 12a de novembro en Tajpeo. Pli ol 400 homoj el la tuta mondo ĉeestis ĉi tiun 3-tagan eventon en Tajpeo. Mia edzino kaj mi partoprenis de la komenco ĝis la fino. Mi renkontis multajn malnovajn kaj novajn amikojn ĉe ĉi tiu evento. Mi ankaŭ petis du amikojn, kiuj verkis librojn, subskribi siajn librojn por mi. En ĉi tiu evento, mi havis la ŝancon paroli hokkienan, indonezian, anglan, mandarenan, hispanan, esperanton, portugalan kaj tok-pisinan lingvojn. La homoj en la fotoj venas el la jenaj landoj:
- Indonezio
- Svazilando
- Sud-Afriko
- Tajvano
- Malajzio
- Filipinoj
- Gvatemalo
- Germanio
- Usono
- Britio
- Haitio
- Belgio
- Ĉinio
- Sankta Vincento kaj Grenadinoj
- Sud-Koreio
- Nederlando
- Kosta-Riko
- Rumanio
- Francio
Krome, estis 2 aŭtoroj, kiujn mi konas kaj kies libron mi aĉetis. Unu estas hokkieno el Filipinoj, kiu verkis libron pri la filipina hokkiena lingvo. La alia persono estas tajvana sinjorino, kies edzo estas el Gvatemalo; ŝi verkis libron pri lernado de lingvoj. Do, mi uzis ĉi tiun okazon por peti iliajn subskribojn.
Dum la kongreso mi renkontis unu britan virinon kiu lernis esperanton. Kvankam ŝi ankoraŭ ne parolis flue, ni ĝuis mallongan babiladon esperante.
Estis tablo de esperanto por tiuj, kiuj volis koni kaj lerni la lingvon. Mi vidis kelkajn librojn de lernado sur la tablo. Pro la amaso de novuloj, oni krokodilis dum la diskuto.
Krome, estis nia longtempa amiko de Tajvana Esperanto Asocio, Ŝajeno el Usono, kiu ankaŭ prezentis pri lingvo el Lanyu Insulo.
Comments
Post a Comment